Sədaqət Allah'a qəlbən iman edən möminlərin ən bariz xüsusiyyətlərindən biridir. Səmimi möminlərin Allah'a və peyğəmbərlərə bəslədikləri sədaqətləri və sevgilərinin təqlid edilməsi mümkün deyil. Möminlərin Allah yolunda göstərdikləri səmimi sədaqət onların ixlas sahibi olduqlarını göstərən ən vacib dəlillərdəndir. İnsanın Allah'a iman gətirməsi, heç bir dünyəvi mənfəət gözləmədən həyatı boyu Allah'ın rizasını qazanmaq üçün cəhd etməsi, sahib olduğu və sevdiyi hər şeyi Onun rizasını qazanmaq üçün istifadə etməsi və baş verən çətinliklərə səbir göstərməsi üçün güclü sədaqət və sevgiyə ehtiyacı var.

İnsana bu yolda irəliləyə bilmək gücünü və istəyini Allah'a duyduğu sevgi, qorxu və sədaqət hissi qazandırar. Uca Allah'a duyulan sədaqət və təslimiyyət nə qədər səmimi və qüvvətlidirsə, Allah'a yaxınlaşmaq imkanı, Onun rizasını qazanmaq yolunda göstərilən cəhd və şövq də bir o qədər artar.

Sıxıntı və çətinlik anları da möminlərin Allah'a və elçisinə sədaqətlərini göstərən çox qiymətli zamanlardır. Möminlər qarşılaşdıqları çətinlik anlarında Qurani-kərimdə buyrulduğu kimi,"...Bu, Allah'ın və Onun Elçisinin bizə olan vədidir. Allah və Onun Elçisi doğru söyləmişlər!..." (Əhzab surəsi, 22) deyərək Allah'a olan təslimiyyətlərini və sədaqətlərini dilə gətirirlər. Rəbbimiz bir Quran ayəsində "Onlar səbir edənlər və Rəblərinə təvəkkül edənlərdir." (Nəhl surəsi, 42) bildirərək möminlərin bu gözəl əxlaqını tərifləmişdir. Möminlərin sədaqətlərinin gücü Quran əxlaqını yaşamaqda göstərdikləri şövq və istəklə də özünü büruzə verir.

Qarşılaşdığı çətin anlarda göstərdiyi təvəkkül və təslimiyyəti ilə bütün müsəlmanlara nümunə olan peyğəmbərimiz hz. Muhəmməd (s.ə.v) Allah'a sədaqət göstərməyin vacibliyini belə xatırlatmışdır:

"...Bir şey istəyəndə Allah'dan (c.c) istə. Kömək tələb edəcəksənsə Allah'dan (c.c) kömək gözlə. Çünki qullar Allah'ın(c.c) yazmadığı xüsusda sənə faydalı olmaq üçün bir yerə toplaşsalar, bu faydanı verməyə müqtədir ola bilməzlər. Allah'ın yazmadığı bir zərəri sənə vermək üçün bir yerə toplaşsalar, buna da müqtədir ola bilməzlər." (Kütüb-i Sittə, Müxtəsəri Tərcümə və Şərhi, Prof. Dr. İbrahim Canan, 16-cı cild, Akçağ Nəşrləri, Ankara, 1992, səh 314)

Möminlər Allah'a qarşı təslimiyyətli və sədaqətli olduqları üçün ən çətin anlarda belə ən uyğun qərarı verib, ona görə hərəkət edirlər. Onlar uca Allah'ın "İtaət etmək və gözəl bir söz demək (sənin əmrini dinməz-söyləməz yerinə yetirmək). İş qətiləşdiyi (onlara cihad vacib olduğu) zaman Allaha (verdikləri vədə) sadiq olsaydılar, sözsüz ki, onlar üçün daha yaxşı olardı!" (Muhamməd surəsi, 21) ayələri ilə bildirildiyi kimi, istənilən şəraitdə Allah'a sadiq olmağın özləri üçün ən xeyirli olduğunu bilirlər.

Allah bu ayələrdə həm də Allah'a duyulan güclü sədaqətin insanın haqq olan bir hərəkət qarşısında tərəddüd etməsinin qarşısını aldığına və insana qərarlı mövqe qazandırdığına da diqqət çəkir. Əgər insan güclü iman və təslimiyyətə sahibdirsə, bu onun qərarsızlığa düşməsinə mane olar və nəfsinə qalib gəlməkdə ona hər zaman kömək edər. Beləliklə, insan uca Allah'a olan sədaqəti və təslimiyyəti ilə nəfsinə ağır gələn hər şeyin öhdəsindən rahatlıqla gələ bilər.

Sədaqətin möminlərə qazandırdığı başqa əhəmiyyətli xüsusiyyət də bir-birlərinə olan etibar və sevgiləridir. İman gətirənlərin bir-birlərinə bəslədikləri sevgi və inamın təməlində Allah yolunda göstərdikləri ciddi cəhd, Rəbbimizə olan sədaqət və bağlılıqları dayanır. Uca Allah'ın razılığını qazanmaq üçün sahib olduğu bütün imkanlarını istifadə edən, bu yolda doğru istiqamət tutan bir mömin, digər müsəlman qardaşlarının sevgisini qazanar və onlara ən gözəl nümunə olar.